باقولك سلام

تدندن معايا؟؟
ادندن يا عم.
انا اعزف بعود.
و انا انزف ف دم.
انا اقول وعود.
و انا اشيل ف هم.



انا اعشق هواها.
و انا احبس اهات.
انا احلم معاها.
و انا اتفلق عياط.
انا احلف ما نبعد.
و انا اموت انبساط.
انا ارجع وحيد.
و انا ارجع ثبات.
.
و نرجع ندندن.
و مانبطلش حب.
انا اعشق عيون.
و انا ارجع أدق.
انا اكتب قصايد.
و انا أفضل آرق.
انا ارجع حزين.
و انا اسكت مادب.
.
انا اعزف بناي.
و انا اقول يا ليل.
انا أزرع ورود.
و انا أحب الجميل.
انا اقطف نجوم.
و انا ف ليل طويل.
انا ارجع لحزني.
و انا ارجع عليل.
.
ونفضل ندندن.
كفاية حرام.
يا عم اسمع كلامي.
قطمت الكلام.
طب افهم مرادي.
مبفهمش نام.
طب آخر حكاية.
باقولك سلام.
يا عم انت مالك.
كده والسلام.
.
طب تيجي ندندن ؟؟
خلاص يا عم توبت.
طب حتي غنوة حلوة.
كل اللي شوفته زفت.
هو انت شوفت حاجه ؟؟
ايوه يا عم شوفت.
هدندن لوحدي ؟؟
اعتبرني مت.
و هاتسيبني وحدي.
ايوه منك قرفت.
.
ندندن لسومة.
ولا لعبد الحليم.
طب حتي لفايزة.
ولا عبد الوهاب
في إيه يا عم مالك ؟؟
حياتك هباب.
ما هو انت برضه صاحبي.
من الليلة دي غياب.
أدندن لوحدي ؟؟
دندن لوحدك...
انا شبعان عذاب