استوطنتك

عن كل بيوت الشعر....
اللى في منامي حلمت أنا بيهم.
و اما صحيت كنت ناسيهم.
لكن مش ناسي اللي عشانها...
ف خيالى طول الليل...
كنت عشانها بغنيهم.
من طوبة دهب و الماظ وياقوت...
كنت ابنيهم.
انا اسف جداً انى نسيت....
رغم ان جمال الحلوة كان ف الحلم...
محليهم.
ولهذا نسيت....
جايز من خمر الشفه سكرت نسيت.
أو جايز سحر عيونها خلاني أتخيل...
انى كاتبلها مليون بيت.
انا اسف جداً لحبيبتي....
لكن معذور أصل أنا حبيت.
حبيت الضحكة وشفايفها. 
حبيتها من قبل ما أشوفها. 
و هاجرت الدنيا باحوالها.
بالناس و الأرض..
وكلامي الان موجه ليكي... 
استوطنتك.
وبقيتي وطن وبقيت أنا شعب.
وبقيتي الدنيا وكل الحب.
وبقيتي علم.. اهتف بحياتك.
و احميكي و افديكى بالروح و القلب