يارب اكفينا

يارب اكفينا شر صحاب المصلحة. 
وشر الحب للنسيان. 
واكفينا شر القلب بعد البُعد. 
والعقل ساعة العند. 
واكفينا شر الملحدين بالعشق. 
وناكرين الشوق. 
واكفينا شر لهفة المشتاق. 
وحزن ساعة الفراق. 
واكفينا شر الحوجة للاحضان. 
والحاجة للنسيان. 
واكفينا شر الكلمة لو جارحة. 
والدمعة لو دابحة. 
واكفينا بنفسنا عن ناس. 
قلوبها مش صافية. 
واكفينا شر البُعد من غير سبب. 
والعمى وقت الغضب. 
واكفينا شر البحر. 
اللى ملهوش بر. 
واكفينا شر المطر لو سيل. 
وشر السهر بالليل. 
واكفينا شر السُهد. 
وانفراط العُقد.
واكفينا شر الخوف والضعف ساعة الحق. 
وشر كلمة نعم لما يكون الفرض علينا كلمة لا. 
واكفينا شر الظلم والمظاليم. 
وشر من سمع الدعاء وماقلش ورايا امين