الكلام مبيوصفوش... الدويتو الأول مع الرائعة #بسمة

بعتذرلك .. 

أنى ديما كنت اقصّر ف الكلام ،
واني بسرح لما اشوفك ،
ف ابتسملك.. والسلام
وانى ناقصه ف المعامله ،
والمجامله والاهتمام.
وانى عاجزه انى افسر ،،
صوت مشاعرى ، وانى خام
وان قلبي بيبكى جدا ،
لو يحسك راح تسيبه.
وان حضنى ساعات مكنشِ ،،
يسمح انك تبقى فيه.
واني يعني مش مثالي ،،
واني خيبه ومش حويطه ،،
وان بير اسرارى ، خالي !
وانى بنى آدمه بسيطه..
وانه ناقصه كام بحبك ، كام عشقتك ، كام بغيّر
وانى بسمح للعياط .. انه يتحكم كتير
وانى سبتك مره تزعل ،
واني مش قد الخصام!!
وانى مره نسيت اشاركك ،
ف الزعل والانبساط ،
وانه لما تكون واحشني ،
فجأه انفجر ، عياط.
واني مليانه خدوش
واني ياما حقيقي ببقي ،
حد تاني ، معرفوش!
وان حبى و اشتياقى ،
الكلام مبيوصفوش!!
#بسمة ....

.
بعتذرلك اني كنت يوم سبب...
مخاوفك.
بعترفلك اني عاشقك.
مش مهم اني اسمع كلامك..
يكفي أشوف عينك واسمع نبض قلبك.
انتي كل الدنيا....
عيني شايف كلمة بحبك و هي بترقص...
فوق شفايفك.
حتي غيرتك يا حبيبتي..
بتحليكي في عيوني...
و اما كل دموع طفولتك...
تنزل تجري جوه مني و دراعي حاضنك.
حتي لو سيبتيني ازعل....
كان بيزيد في قلبي عشقك.
قلبي مش مستني منك اعتذار.
عن خدوشك أو دموعك...
أو جنانك أو طفولتك....
والكلام إللي بتعجزي قصاده ومتوصفوش.
كل دول مايهمونيش ومغيروش في العشق حاجه.
انتي كل الدنيا بطفولتك و غيرتك....
بعتذرلك اني سيبتك تبكي وحدك....
بعتذرلك...
يا حبيبتي تسمحيلي اني اقولك....
اني بكل القلب عاشقك.
و اني لما كنت بعيد....
كنت بكل كياني حاضنك ؟؟
بعتذرلك....
اني سيبت دموعك اللولي ف مرة....
تجرح الورد اللي اسمه خدك ؟؟
#مصطفى_مدحت