أقول قولي هذا

ماشي وسط التُرب و سرحت....
والعقل سئل. 
كام واحد قتله كلام...
كام واحد خان..
كام واحد صان الوعد...
كام واحد وقت الكسره...
حضنوه الناس و قالوله..
ماتحزنش كله تمام. 

سكران وجع بصرخ ب اي كلام.

والروح ف طين الأرض موحوله.

لملمت توب الألم ناقص حياتي سلام.

والدمعه جوه العين من الحزن مقتوله.

صراخي صدى لصوت ماهوش ليا.

يا رب أجعل لي و لو دعوة مقبوله.

.

بهزي كأني عجوز...

والموت يجوز الأن.

موت بموت....

يا رب اموت فرحان.

آخر حديث ليا كان بيني وبين نفسي.

الموت دواء الاحزان.

.

الفجر...

احسن ميعاد للموت.

نسمة هواء بارد لحظة صفاء وسكوت.

كل الوجود ساكن.

وانا وحدي جوه تابوت.

حضناني كل الشوارع في سكة..

بنت بنوت.

الموت على شفتي....

شهد طعمه توت.

.

الموت لامثالي خير.

مكافأة لنهاية الصبر ع الأحزان.

وقت اما يجي الموت...

انا هاخده بالاحضان .

الموت خلاص للي روحه..

عاشت سنين في سجن.

جواية حبة وجع...

الموت يخلصهم.

من النهارده...

اول ليالى الفرح معدش فيه أحزان.

حضن التراب ارحم...

من حضن ١٠٠ أنسان 

اخر كلامي... 

الحزن حكمة عجوز... 

كرمش ملمحه الزمان. 

اقول قولي هذا.... 

واسيبكم بكل سلام