يومين ده لو كملوا

قبل الربيع ما يهل...
أكل الخريف قلبي.
الضحك كان نشوة...
من السُكر مش من الفرح.
الوعد كان ورده....
دبلت علي عودها.
و إن عاد حبيبك جرح.
اليوم حزين فعلاً.
والجو صدر اتخنق..
حتي السماء دي عيون...
حبست في عينها الحزن...
و الشوك أوانه الان...
أمسك خيالك اوي...
لو طرف خيطه سرح.
.
رقصت دموعك حزن...
خبيها عن عينهم.
رعشة سلام ف ميعاد...
اسحبها من ايدهم.
خليك وحيد ف الفرح...
خليك وحيد ف الحزن.
اوعاك ف يوم تبكي...
دمعك بيسعدهم.
.
اياك تصدق وعود...
الوعد ده كداب.
هايحلفوا بشوقهم...
أنك سيد الاحباب.
يومين ده لو كملوا...
وهايقفلوا ١٠٠ باب.
ترجع وحيد في سكك...
الماية فيها سراب.