غيب يا قمر

سكت الاذان..
وصوت الجرس.
زاد الطرش...
لساني اتخرس
بحلم ببكرة....
جايز يعوضني عمري اللي ضاع..
قصدي اتهرس.
.
سنين تفوت....
والعمر يجري كأنه قطر.
والورق مكفنيش....
محتاج لحزني الف الف سطر.
حتي البكاء مبقاش يفيد...
والكل لف وشه عني....
و ادوني ضهر.
.
بكدب بقول فرحان...
وانا قلبي سايح في دم ودموع.
ولمين اشكي ومين يعوضني العمر..
وياريت العمر كان له رجوع.
بقابل ناس وودعها....
مبلحقش حتي اولع للذكري الأولى..
أي شموع.
.
يا شمس غيبي....
بتنوريلي طريقي ليه...
وانا قلبي مطفي مبينورش.؟؟
كل اللي راح اهو راح ومابيرجعش.
بتنده لمين يا قلب... الكل مابيسمعش.
يلعن أبوك يا حزن....
شايف البراح؟؟ اهو برضه مابيسعش.
.
غيب يا قمر...
معدش في احباب.
قفلين ف وشي الباب.
امسك نجومك و ارحلوا...
كف الحبايب ساب.
أياك تعود....
انا قلبي قهراً داب.
شعلقته في حبل الحياة...
قررت اني اعدمه...
الموت بينهي أي عذاب